Ishwar Ek Hai,
Use hum ALLAH keh kar Pukaarte hai.
Sare Dharm jo asal me dharm hai- wo ek hi hai, aur Sare Doot/Sant/Sache MahaPurush us hi Ek Ishwar ki Taraf bulate hai.
Koi bhi Dharm/Mazhab ka asal paigham/Sandesh yahi hai ke Ishwar Ek hai aur use kisi Insan ne nahi dekha aur Uska koi Roop nahi , Wo sare sansarik bhog se Pavitra hai.
Uska koi beta/beti ya Mata-Pita nahi aur Na hi Biwi/Dashi ki use zarort, wo to sabhi Sansarik lobho se Pavitra, be-Parwah aur Mahan hai.
Usne har Chiz ko Paida kiya aur jab chahe mita dega.
Usko kisiki Zarort nahi par har Chiz aur har kisiko uski Zarort hai.
Wo jab chahe, Jo chahe kar sakta hai.
Use koi samajh nahi sakta siwa uske Jise wo chahe.
Kyoki Samajh me to wo aata hai jo Hamari samajh ke andar aa sake.
Kintu/Lekin Hamari samajh itni badi aur Mahan nahi Ke us Sabse Mahan ko apne andar sama sake.
Wo aankh se Pavitra hai par dekhta hai, Kano ki Zarort nahi par Sunta hai, wo jagah me nahi par har jagah hai, sab janta hai.
Kaise aur kya ye wo hi jane, Hamari samajh Itni nahi.
Usne hame sirf uski banayi hui dunya aur insan, janwar, pedh-paudhhe, kide, fal, pahad, nadiya, gehu aur anaj sahit baaki Sari Chizo aur logo ko dekh kar samajhne aur Sabki sewa kar use pane ko kaha hai.
Iska raasta batane hume bahot se Doot/Nabi bhi bheje,
Jo Samay-Samay par aakar hume sahi rasta aur uski agya kya hai batane ke sath hi use palan karna sikhate rahe.
Kyoki thode samay me hum insan adat ke anusar fir chizo ko yaha tak dharm ko bigaadte rahe,
To Mahan Ishwar Sarv-Shaktishali bhi humpe daya kar bar-bar apne naye Nabi/Doot bhejte gaya.
Aur Aakhri Kalki Avtar hamare Anusar Aqhri Nabi Shri Muhammad (Ishwar ki Daya ho unpar) Aachuke aur Ishwar ne Apne aakhri Bataye hue Raste ka nam 'Islam' rakh diya.
Wo Khane-pine sone aur oonghne jaisi har Chiz se bhi Pavitra hai aur Daya ko Pasand karta hai.
Wo Humare karmo se ziyadah Hamare Irado/Niyat ko Dekhta hai aur us hi par faisla karta hai.
Usse hum jaise chahte hai, waisa hi hume dusro se Vyavhar karna Chahiye (Pesh aana chahiye).
Wo Maaf/chhama karne walo ko Maaf/Chhama karta hai, Khilane walo ko khilata aur Pehnane walo ko pehnata hai.
Wo sabka paalanhar/RAB hai chahe koi Acha ho ya bura, usko manta ho ya nahi, Dharmik ho ya Adharmi, Sabke liye Suraj ki Roshni, Pani, Hawa, uski karni ka fal hai.
Is dunya ko usne azmaish/Pariksha-bhoomi banaya hai.
Ye asal nahi, asal marne ke bad hai.
Jo yaha usko maan lega aur uske siwa kisi aur ko na pujega aur kuch bhi bura karne se Sache dil se bachte rahega,
Uske liye usne Swarg aur bahot si khushiya tayyar rakhi hai.
Wo unhe khoob Chahta hai aur Jinko Chahta hai unhe zyada Aazmata hai- Khushi, Samridhhi aur Taqlife dekar.
Par khushkhabri hai unke liye jo uske raste pe jame rahe.
Aur yahi har Dharm ka Saar hai aur ise hi Hum Islam kehte hai,
Aur sath hi Ishwar ki har bat ko Uske bheje hue har Doot ko aur Swarg-Narkh, Farishto, Aasmanon aur Zameeno, Maut ke Bad for Zinda kiye jane aur ek din Ek Jagah/Maidan me sabko jama kar Sabke Karmo ka Hisab karne ke Din aur Us Ishwar ki bhakti me kisi bhi aur ko na milane ko, Usme jo khash Gyan ki Khas Kitabe jo Apne Doot/Paighambaro ke maadhyam Dharti/Zameen par utari jinke aakhri Pavitra-Quran hai- tamam par sachha Vishwas rakhne aur Ishwar/ALLAH ki har agyaa ka palan karne ko Dharm/Deen kehte aur maante hai.
🌸
Yahi Islam hai ! 🌱
[ Aap apni rai Comment karke de sakte hai.]
Comments
Post a Comment